print

Тағылы ауылдық округі әкімінің есеп беруі

Құрметті  Марат Жандәулетұлы !

Құрметті  ауыл тұрғындары!

 

  Елбасы Н.Ә. Назарбаевтың жыл сайынғы Жолдауы маңызды стратегиялық бағдарламалары мен ауқымды жобаларының барлығы да ел болашағы үшін жасалып, экономикамызды өркендеуге бағытталған.Осы бағытта   «Қазақстан – 2050 Стратегиясын» , «Нұрлы жол бағдарламасын», 5 институттық реформа және «100 –нақты қадам» Ұлт жоспарын қабылдады. Жыл сайынғы Жолдауынан туындаған мәселелер ауыл әкіміне қойылған міндеттер халық мұқтаждарын орындауға бағытталған. Сондай –ақ Мемлекет басшысының «Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» №190 Жарлығын орындау мақсатында әкімдердің жергілікті тұрғындар алдындағы жыл сайынғы есептері мен халық игілігі үшін келешекке жоспарланған іс-шараларды тыңғылықты жүргізуге міндет артады.

       Елбасымыздың Жолдауында аталып өтілген мақсаттар мен міндеттерді орындауда ауылымызда атқарылған жұмыстарға тоқтала кетсек, Тағылы ауылдық округі әкімінің 2017 жылы атқарған жұмыстары және алдағы күнде атқарылуға тиісті мәселелер туралы сіздерге баяндап бермекпін. 

Бұрыннан күн тәртібі бойынша келе жатқан мәселе, мектеп үйіне  дәретхана салу керек болатын,  биылғы жылы  бастауыш сыныпқа 1(бір)  млн теңге қаражат бөлініп ұл бала, қыз балаларға жеке-жеке әжетхана орнатылып,  қол жуатын орындары да заман талабына сай болып іске қосылды.

Сондай –ақ мектеп қабырғасында мұражай көшіріліп 400 (төрт жүз)  мың теңге қаражат бөлініп, толық жөндеуден өткізілді және сыртқы 1 темір есік, 2 пластикалық терезе, решоткамен бекітіліп, іске қосылды.

       Ауылдық округке қарасты  үш елді мекен  Жұмыскер, Қызылту, Қарасаз ауылдары және 9 қыстақ орналасқан.  Ауылдық округ бойынша 225 үй,              264 отбасы, жалпы халық саны- 994 адамды құрайды.

     Округ бойынша 7- дүкен , 2- жеке меншік  монша  халыққа қызмет көрсетуде.

      Ауыл тұрғындарынан жыл бойы жазбаша түрде түскен 2 өтініш,  жауаптары беріліп қанағаттандырылды. 2 ауызша өтініш түсіндіру жұмыстары жүргізілді. Берілген анықтамалар саны – 165.        

Бірінші кезекте тұтынатын  азық-түлік тауарларының бағасын тұрақтандыру мақсатында 2017 жылы кәсіпкерлермен Меморандум жасалып,  бес жұмысшы тобы құрылған тиісті жұмыстар  жасауда.

  Ауылдық округте бөлінген қаржының игерілуі мен оған атқарылған жұмыстар бойынша Тағылы ауылдық округіне 2017 жылы төмендегі бағдарламалар бойынша барлығы 2209,0 мың теңге қаржы қарастырылды. Атап айтсақ:

     - көше жарықтандыруға – 450,0 мың теңге қаржы қарастырылып, оның 400,0 мың тенгесі ай сайынғы көше жарықтары үшін төлемдер ретінде жұмсалса, 50,0 мың теңгесіне көше жарығы бойынша лампаларды айырбастау жұмыстарына жұмсалды.

         - абаттандыру мен көгалдандыруға бюджеттен 276,0 мың теңге қаржы бөлініп, оның  33,0 мың теңгесі саябақтарға гүл түптерін сатып алуға, 67,0 мың теңгесіне 18 дана көше баннерлері жасатылды және 176,0 мың теңгесіне лампалар сатып алу  мен  жаңа жылдық безендіру шығындарына жұмсалған болатын.

        - Автомобиль жолдарында көлік қызметтерін қамтамасыз етуге, яғни елді мекендердің ауыл көшелерінің қарын тазалау жұмыстарына жыл басында 499 мың теңге, жыл аяғына 351 мың қаржы бөлініп, тендермен ойнатылып жеңімпазбен келісім шарт жасалып тазалау жұмыстары толығымен орындалды.

       - Мемлекеттік мекеменің күрделі шығыстары есебінен жергілікті полиция бөлімшесіне 383,0  мың теңгеге толығымен кеңселік және компьютерлік жабдықтары сатып алынып берілді.                                                                                           

        -  Төтенше жағдайлар бойынша 100,0 мың теңгеге көктемдегі су тасқыны кезінде бұзылған Қостам тоғанын жөңдеу және қалыпқа келтіру жұмыстары үшін жұмсалды.

          Инвестициялық  жобалар бойынша Жұмыскер ауылының басынан «Дастан» шаруа қожалығының жетекшісі Ө.Рахымжанов  құны 20 млн.теңге тұратын  жеке тұрғын үй құрылысын салып, толығымен аяқталды.

   Ауыл шаруашылығы саласы бойынша  айта кететін болсақ,  біздің округімізде бүгінгі күні  52 шаруа қожалығы және 1 ауылшаруашылық өндірістік коопертиві тіркелген. Осының ішіндегі 10 шаруа қожалығы барлығы 2588 гектар жерге масақты дәнді дақыл, оның ішінде 801 гектар жерге бйдай және 1787  гектар жерге арпа егіп, жоспарланған өнім гектарына орта есеппен 10 центнерден шығып, жалпы өнім көлемі 2523 тонна астық алынды.  Екі шаруа қожалығы 4 гектар жерге картоп егіп, жоспарлаған өнімдерін жинап алды. «Бірлестік» АӨК  осы  жылы  мал сою цехын салуды жоспарлап отыр, құрлысқа жер бөлініп құжаттары рәсімделу үстінде.  Биылғы жылғы округ бойынша  қысқы мал азығын(шөп) дайындау жоспар бойынша 21мың  тонна болса, шабылып жиналғаны 21500 тонна болды.. Мамыр айынан бастап «Қызылту», «Қарасаз» ауылдарының тұрғындары Сейфуллин кентінен «Нәтиже» ЖШС сүт тасмалдайтын арнайы машинаға жаз айларында 1 литры 50 теңгеден сүт өткізіп, біршама табыс көзін иеленді. Биылғы жылы шаруа қожалықтары  мал өнімін және ауыл шаруашылығы өнімдерін Астана қаласындағы  және Қарағанды қаласындағы «Ауыл береке 2017» ауылшаруашылық жәрмеңкелеріне бірнеше мәрте барып өткізіп, табысқа кенелді. Мал шаруашылығы да өз қарқынымен дамуда. Округ бойынша ірі қара  саны – 2537 бас, қой-ешкі саны - 6309 бас, жылқы саны – 2152 бас,  құс – 1820 басты құрайды.

Мал шаруашылығын дамыту мақсатында «Шет көмек» несие серіктестігі арқылы 1 шаруа қожалығы 5 миллион теңге кредит алып, 22 бас жылқы алса, тағы бір шаруа қожалығы «Құлан» бағдарламасы бойынша 3млн 900 мың теңге кредит алып 14 бие 7 айғыр сатып алып, мал басын көбейтті.   

       Ветеринария саласы бойынша  Мал бастарын аман сақтау мақсатында жұқпалы  ауруларға  қарсы егу  жұмыстары  атқарылып, бруцеллезге ірі қара-2955 бас, ұсақ мал-10000бас,  туберкулезге қарсы 4200 бас ірі қара, нәтижелері теріс. Сібір жарасына- 2800 бас  ірі қара, қой – ешкі 7400 бас, жылқы 2150 бас, қарасанға -1600 бас егілді. Сонымен қатар ірі қара 1400 бас,   қой-ешкі  4000 бас сырғаланып, жылқы 480 бас таңбаланды.

       Мал бағылымының ұйымдастырылуы жөнінде  округте ірі қара, жылқы, қой-ешкі малдарын бағуды қадағалау үшін ауыл тұрғындарынан бес  жұмыс комиссиясы құрылған. Олар өз тараптарынан жұмыс жасауда. Сиыр, жылқы, қой-ешкі бағылымы жөнінде ауыл тұрғындарымен  жиналыстар өткізіліп, малшылармен келісім-шарт жасалынып дұрыс жолға қойылған.

       Ауыз су саласы бойынша Жұмыскер ауылы ауыз сумен толықтай қамтамасыз етіліп,  ауылдың біраз  үйлері ауыз суды үйіне өз күштерімен  тартып алса, біршамасы  санитарлық жағдайын толықтай жасап алған.

      Телефон байланыс жүйесі бойынша  Жұмыскердің басында  барлық үй телефон нүктесімен қамтамасыз етілген болатын, өкінішке орай дұрыс жұмыс жасамай біразы қайра өткізді. Қызылту, Қарасаз елді мекендері Радио  байланыс жүйесімен қамтамасыз етілген.

       Округ бойынша салық базасының жағдайы мен алдағы уақыттарда оны ұлғайтуға жұмыстар жүргізілуде. Жергілікті өзін– өзі басқарудың функцияларын іске асыру үшін кірістерді пайдалану бойнша жұмыстар жүргізіліп,  жергілікті қоғамдастық жұмысын жандандыру мақсатында арнайы жеті комиссия мүшелері сайланып қолма – қол ақшаны бақылау шотына ерікті түрде қаржы түсіру жұмыстарын қарастырып, келешекте салық базасын  кеңейту жоспарлануда.    Жергілікті қоғамдастықтың  жергілікті өзін-өзі  басқару  «қолма – қол ақшаны  бақылау  шотындағы»   қаржыдан қоғамдастық мүшелерінің жиынында  көктемгі су ағарлар мен арықтарды тазалуға 90 мың теңге,  наурыз мерекесіне орай  ауылымыздың экономикалық дамуына үлесін қосып жүргендерді марапаттауға 30 мың теңге, , жаңа жыл қарсаныңда 150,0 мың теңге ақша қарастырылып, округ бойынша үш мүмкіндігі шектеулі және қамқоршысы жоқ бір балаға, сонымен қатар 80 ге жуық мектеп жасына дейінгі балаларға ертеңгілікте сылықтар табыс етілді.

       Елді мекенді абаттандырусанитарлық тазалау, сәулеттендіру және көгалдандыру бойынша  біршама жұмыстары ойдағыдай атқарылды.

      Ауыл халқының әлеуметтік тұрмыстық жағдайын жақсарту бағытында, санитарлық тазалық және экологиялық жағдайын жақсарту, инфекциялық аурулардың алдын алу мақсатында көктемгі екі айлық, күзгі бір айлық өткізу туралы іс-шараларын жүргізу бойынша ауыл  тұрғындарымен және мекеме басшыларының қатысуымен жиналыстар өткізіліп, ауылдағы 224 тұрғын үйлердің иелерімен келісім-шарттар жасалды.

 Ауылдағы күл-қоқысты тазалап,  ауыл сыртына шығару «Айбек» шаруа қожалықтарының Камаз, трактор тіркемесімен және тиегішімен күл-қоқыс тасымалдаудағы әр рейсі келісім бағасы бойынша  толықтай тазартылды. Сондай –ақ біршама үйлер қазіргі талапқа сай шатырларын айырбастап, күрделі жөндеу жұмыстарын жасауда. Ауыл тұрғындарының үй-қоралары әктеліп, сырлау жұмыстары  жүргізіліп,  ауылдың әр үй иелері белсене  ат салысты.  Әкімшілік үйінің алдына, саябаққа ағаштарды қырқу, әктеу жұмыстары  толығымен  жүргізілді. Аудандық шаруа қожалық қауымдастығының қолдауымен ауыл жастарының  округ бойынша  төрт бұлақтың көзі ашылды.

       Жұмыспен қамтуда тіркеудегі жұмыссыздар саны -5, биылғы жұмысқа орналастырылғандары саны - 13, қоғамдық жұмысқа тартылғандар саны – 10.

Нәтижелі жұмыспен қамту және кәсіпкерлікті дамыту, «Игілік» бағдарламасы бойынша 1 адам 3 млн.теңге несие алып 9 бас жылқы малын сатып алды.

Ауылымызда зейнеткерлер саны -  132, асыраушысынан айрылған отбасы – 4,  І,ІІ,ІІІ топтағы мүгедектер саны  - 36,    батыр аналар  – 29 ,  ардақты аналар –14.  Атаулы әлеуметтік көмек 1 отбасы, 18 жасқа дейінгі балалар жәрдемақысын 6 отбасы алып отыр.  Аз қамтылған  отбасыларына ауыл әкімі азық-түлік және материалдық жағынан көмек көрсетілуде.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             &nbs


Келулердің саны: 1449


Жоғары