print

«Тілдарын» жүлдегері

Қазақстан Тәуелсіздігінің 25 жылдығына орай Тілдерді дамыту мен қолданудың 2011-2020 жылдарға арналған мемлекеттік бағдарламасы аясында үш тілді жетік білетін жастар арасында «Тілдарын» республикалық олимпиадасы өткізілді.

            Оны Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің тапсырмасымен «Ш. Шаяхметов атындағы тілдерді дамытудың республикалық үйлестіру-әдістемелік орталығы» РМКҚ ұйымдастырды.

            Аталған шара Ақмола облысы, Бурабай ауданы «Балдаурен» республикалық оқу-сауықтыру орталығында өткізілді. Олимпиаданың мақсаты үш тілді – қазақ, орыс және ағылшын тілдерін жетік меңгерген қабілетті жастарды анықтау және қолдау, тілдік қарым-қатынас мәдениетін қалыптастырып, көп тілді меңгерген тұлғаны тәрбиелеу, қазақстандық патриотизмді нығайту, өзге халықтардың мәдениеті мен тілін құрметтеу.

            Жарысқа 18-22 жас аралығындағы, облыстық және қалалық іріктеу кезеңдерінің 15 жеңімпазы қатысты. Дарынды жастарға Л.Н. Гумилев атындағы ЕҰУ «Қазақ тіл білімі» кафедрасының меңгерушісі, филология ғылымдарының кандидаты Ардақ Бейсембай (төраға), Ш.Уәлиханов атындағы Көкшетау мемлекеттік университетінің «Ағылшын тілі және оқыту әдістемесі» кафедрасының меңгерушісі, филология ғылымдарының кандидаты Алма Жүкенова, Л.Н. Гумилев атындағы ЕҰУ «Теоретикалық және қолданбалы лингвистика» кафедрасының доценті, филология ғылымдарының кандидаты Жанат Бектұрова, Ш.Уәлиханов атындағы Көкшетау мемлекеттік университетінің «Қазақ филологиясы» кафедрасының аға оқытушысы Ғарифолла Әбілқасымов, «Отбасым» журналының редакторы Альбина Атен қазылық етті.

            Бұл сайысқа Шет аудандық, облыстық «Тілдарын» байқауының жүлдегері, Ақсу-Аюлы ауылындағы Ж.Ақылбаев атындағы эксперименталдық мектеп-гимназиясының ағылшын тілі пәнінің мұғалімі Нұрхан Нұрлан қатысып, Қарағанды облысының намысын қорғады.

           Олимпиада қорытындысы бойынша Қарағанды облысының «Ж.Ақылбаев атындағы эксперименталдық мектеп-гимназия» КММ, ағылшын тілі пәні мұғалімі Нұрхан Нұрланов бас жүлдегер атанып, 120 000 ақшалай сыйлыққа ие болды.


Келулердің саны: 2317


Жоғары